شُوفُو لَعْجَبْ!!!

تعتبر القصيدة التالية من القصائد الزجلية الناذرة لمجموعة ناس الغيوان المغربية، وقد تطرقت فيها هذه المجموعة المبدعة لحالة الضياع والتيهان والهوان التي أضحى عليها العالم العربي في الوقت الراهن (مَالْ بالعامية المغربية هي أذات استفهام ويُقصد بها لماذا) :
كَلَّمْنَا يَا شِيخْ لَكْلاَمْ كَلَّمْنَا
قُولْ لِينَا مَالْ لَكْلاَمْ فَسْدَتْ مْعَانِيهْ؟
وُكَلَّمْنَا يَا شِيخْ لَكْلاَمْ كَلَّمْنَا
قُولْ لِينَا مَالْ الحَقْ كَفَّاتْ مُوَالِيهْ؟
وُكَلَّمْنَا يَا شِيخْ لَكْلاَمْ كَلَّمْنَا
قُولْ لِينَا مَالْ الـمُنْكَرْ الزُّورْ حَامِيهْ؟
وُكَلَّمْنَا يَا شِيخْ لَكْلاَمْ كَلَّمْنَا
قُولْ لِينَا مَالْ لَكْلاَمْ فَسْدَتْ مْعَانِيهْ؟
شُوفُو شُوفُو لَعْجَبْ..مَا بْقِينَا عْرَبْ
السْبَعْ وُلَّى خَرْتِيتْ..تَحْتْ جْنَاحْ نْسَرْ لْبَدْ
مْسَلَّفْ مَنُّو مَنْقَارُو..وُلْذَرَّة مُحَمَّدْ مَا نْجَدْ
حْنَا أَضْيَعْ مَنْ الإِيتَامْ..وُاصْغَرْ مَنْ النَّمْلَة
وُاضْعَفْ مَنْ لَرْنَبْ..مَلِّي تَدْرَكْهَا لَقْدَارْ
بـَمْخَالَبْ مَازَلَة لـَحْرَاشْ قُدَّامْهَا تَصْغَارْ
الشُّوكْ تَظَنُّو أَزْهَارْ وُعْلَى السَّدْرَة تَرْمِي العَارْ
رَانِي فَحْمَاكْ يَا الحَقّْ الغَالَبْ
لاَ تُوَقَّفْ سَاعْتِي بِينْ يِدِينْ الأَشْرَارْ
هَكْذَا سَيْدَاتِي سَادَتِي حَالْنَا غَادِي وُيْقْصَارْ
حَالْنَا حَالْ لَرْنَبْ
 شُوفو شُوفُو لَعْجَبْ..مَا يَبْقَا عَرْبْ
نَاسْ شَايْـخَة وُنَاسْ دَايْـخَة
وُنَاسْ تـَحْتْ لَحْيُوطْ الخَايـْخَة
شُــــوفُــــــو لَــــعْـــجَـــــبْ مـَــــا بـْـقِــيــنـَــــا عَـــــرْبْ
احْـنـَـــا حـْـيـُــوطْ قـْـصَــــارْ..جْـــــمَـــاعَـــــة فِــــي دُوَّارْ
فَـــاقْ الكَهْــفْ وُاصْحَابـــُـو وَلاَ جَــــبْـــنَـــــا لـَخْـــبَـــــارْ
شُــــوفـُـــــو لَــــعْـــجـَــــبْ..جـْــــمـَــاعـَــــة فِــــي دُوَّارْ
الحَصَّــادْ وُالـدَّرَّاسْ فِــيــنَــا..الَــعْـصَــا والَـبْكَا عْـلِــيــنَـــا
هـَا اللِّـي شَـادّْ مَـنْ لَقـْــرُونْ فِـيـنَــــا، وُفِـيـنَــــا يَـحْـلَـــبْ
شُــــوفُــــــو لَــــعْـــجَـــــبْ مـَــــا بـْـقِــيــنـَــــا عَـــــرْبْ
احْـنـَـــا حـْـيـُــوطْ قـْـصَــــارْ..جْـــــمَـــاعَـــــة فِــــي دُوَّارْ
فَـــاقْ الكَهْــفْ وُاصْحَابـــُـو وَلاَ جَــــبْـــنَـــــا لـَخْـــبَـــــارْ
شُــــوفُــــــو لَــــعْـــجَـــــبْ مـَــــا بـْـقِــيــنـَــــا عَـــــرْبْ
مَــــــا انْــتُــــــمْ كـُــفَّـــــــارْ وَلاَ مَـجُــوسْ تْـعَـبْـدُو النَّـارْ
مـَـــــا انْـتُـــــــمْ مَـسِـيـــــحْ وَلاَ مْـسَـلْـمِـيـنْ مَنْكُمْ لـَخْيَـارْ
مَا خْلَصْتُو لْسِيرَة زِينْ لَبْهَا سَــــــيِّـــــــدْ  لَـــــبْـــــــرَارْ
شُــــوفُــــــو لَــــعْـــجَـــــبْ مـَــــا بـْـقِــيــنـَــــا عَـــــرْبْ

ليست هناك تعليقات:

إرسال تعليق