مَا حْلَى النْزَاهَة مْعَ النَّاسْ لَفْضَالْ


مَاحْلَى النْزَاهَة مْعَ النَّاسْ الُقْدَامْ
اللِّي دُوْزُوا فَالـــدَّنْيَا شَــــلاَّ ايَّـــــــامْ
مْعَاهُمْ نَقْعُدْ وُنَحْسَبْ الَــــكْـــــلاَمْ
مَاحْلَى النْزَاهَة مْعَ النَّاسْ الُقْدَامْ
مَاحْلَى النْــــــزَاهَة مْعَاهُمْ يَالنَّاسْ
اللِّي دُوْزُوا فَالدَّنْيَا وُبْنَوا سَاسْ
خَلاَّوْ كَلْمَـــاتْ دَارُوا فِينَا احْسَاسْ
هَاذُوكْ هُومَا اللِّي شَيْـبُوا لِي الـرَّاسْ
عَقْلِي فِي رَاحْة مْعَاهُمْ يَالنَّـــــــاسْ
مَا إِشَـــــرْبُوا خْـمَرْ مَا إِزَرْعُوا الْكَــــاسْ
الصَّلاَة وُالَفْجَرْ هَذَاكْ هُو السَّاسْ
رَبِّي إِغْـــفَـــرْ يُومْ الـــضِّيقْ النْــــفَــاسْ
مَاحْلَى النْزَاهَة مْعَ النَّاسْ الُقْدَامْ
اللِّي دُوْزُوا فَالــــــدَّنْيَا شَلاَّ ايَّـــــامْ
خَلاَّوْ كَلْمَاتْ دَارُوا فِينَا احْسَاسْ
هَذَا فْضَلْهُمْ ذُوكْ النَّاسْ لَفْضَالْ

ليست هناك تعليقات:

إرسال تعليق