سبحان الله صيفنا ولى شتوة


سُبْحَــانْ اللهْ صِيفـْنـَا وُلَّـى شَـتـْـــــــوَة
وَارْجَعْ فْصَلْ الرّْبِيعْ فْالبُلْدَانْ خْرِيفْ
وُمْضَاتْ إِيَّامْنَا وُسَرْقـَـتْـنَـا سَهْــــــــوَة
وُتْخَـلْطـَـاتْ الاَدْيَانْ شَلَّى لِيكْ نْصِيــــفْ
قُلْتْ أعْجْبِي اضْحَاتْ فْالدِّينْ الرَّخْوَة
وُلَّى الإِيمَانْ عَنْدْنَا فْالَعْرَبْ ضْعِيـــفْ
صَهْيُونْ فْغَايَةْ لَعْلُو دَرْكُو سَطْـوَة
وُقْبَلْنـَـا ذَلـّْهـُــمْ عـَــادْ الشَّرْقْ كْفِيــــفْ
سُبْحَــانْ اللهْ صِيفـْنـَا وُلَّـى شَـتـْـــــــوَة
وَارْجَعْ فْصَلْ الرّْبِيعْ فْالبُلْدَانْ خْرِيفْ
جُورْ الحُكـَّامْ زَادْنَا تَعـْــــبْ وُقَسْـــوَة
لاَ رَاحَة وُالَعْبَادْ فَالنَّكْدْ وُتَعْسِيــــــفْ
وَلاَ تَلْقَــى عـْـدِيـلْ كَيَقْبَــــلْ شَكْــــوَى
وُيْبَلَّغْ مَا يْخُونْ مَا يَرْضَى تَكْلِيـــــــفْ
وُالحَاكَمْ كَيْصُولْ كَيَقْبَضْ الرَّشْـــــــوَة
وُالشَّاهَدْ كَيْدِيرْ فْالشّْهَادَة تَحْرِيــفْ
افْهَمْ الـمَعْنَى وُعِيقْ وُاسْتَافـْــدْ وُارْوَى
هَذَا سَرّْ لَكْلاَمْ مَـا رَامُو تَصْحِيــــــــفْ
   وَا دَنـْـــــــدَنْ دَانـِـــي دَانـِـــي     وَا دَنـْـــــــدَنْ دَانـِـــي دَانـِـــي
    وَا دَنـْـــــــدَنْ دَانـِـــي دَانـِـــي     وَا دَنـْـــــــدَنْ دَانـِـــي دَانـِـــي
يَكْفـَــاك ذَلّْ لَبْكَــا يـَا عِينِــي         يَكْفـَـــاكْ هــَـــمّْ ذَا الحــَـــالْ 
الظَّــرْفْ غْشَمْنِــي وُلاَحْنِـي         مـــَــــا بْـــــــــــــقـَــــى لِـــي أَمـَــــالْ
لله يــَــا اللِّـــي تَسْـــــــــــــأَلْنـِـــــــي         لاَ تْـــطـَــــالـَــــبْ الـمُــــــــحـَـــــالْ
قَـــــصّْتِي  وَاضْحَه  فَجْبِينِي         مَا بْقـَـاتْ رَغْبَــة تَلْهِينِـــي
عـَـــالَــــــــــــفْـــــــرَاقْ عـَـــــــــــــــــــوّالْ          عـَـــالَــــــــــــفْـــــــرَاقْ عـَـــــــــــــــــــوّالْ
وَا دَنـْـــــــدَنْ دَانـِـــي دَانـِـــي     وَا دَنـْـــــــدَنْ دَانـِـــي دَانـِـــي
    وَا دَنـْـــــــدَنْ دَانـِـــي دَانـِـــي     وَا دَنـْـــــــدَنْ دَانـِـــي دَانـِـــي

ليست هناك تعليقات:

إرسال تعليق